MTAZAME NYOKA WA SHABA.

Ndugu yangu, wasalamu katika Bwana Yesu Kristo, Ewe unayepita katika mapito magumu usifadhaike wala kukata tamaa badala yake mtazame Yesu kama Nyoka wa Shaba.

“Kama Musa alivyomuinua yule nyoka wa shaba jangwani ndivyo Mwana wa Adamu hanabudi kuinuliwa.”

Katika maandiko matakatifu yaliyopo kwenye kitabu kile cha Hesabu yanaitaja nyoka ya shaba kama ishara ya ushindi katika nyakati zilizo ngumu kimaisha. Kwani kipindi hiki wana wa Iziraeli walikuwa wakiumwa na nyoka wa moto ama wenye sumu kali na walipoteza maisha punde.

Ila Musa alipata maelekezo kutoka kwa Mungu ya kwamba ainuwe nyoka ya shaba kwa kuitundika juu ya mti na kila aliyeng’ata na nyoka ya moto alipomtazama nyoka huyu alipokea uponyaji.

“Musa akafanya nyoka ya shaba, akaiweka juu ya mti: hata ikiwa nyoka amemuuma mtu, alipoitazama ile nyoka ya sahaba, akaishi”.Hesabu 21:9.

Nami leo hii ninakuta kutokukata tamaa ama kuacha WOKOVU kwa sababu ya ugumu wa maisha ama mateso kwenye ndoa, uchumi ama biashara kuwa ngumu, magonjwa, kukataliwa au vita kwenye ulimwengu wa roho.

Bali inua macho yako ya Imani na kwa Imani; umtazame Yesu aliyeinuliwa kwenye ulimwengu wa roho kama yule nyoka wa shaba jwangwani na hakika hapo utapata majibu yako.

Kumbuka walioshindwa kumtizama yule nyoka wa shaba walipoteza maisha yaani walikufa hali iliyowafanya washindwe kufika Kanani. Na wewe ukilitazama tatizo lako utakwama maana ni kubwa kuliko wewe bali mtazame Yesu aliye dawa ya tatizo lako nawe utashinda, tena na zaidi ya kushinda.

Na Huduma ya UKOMBOZI GOSPLE, Arusha Tanzania, Kwa maombi, Ushauri, Maswali au Sadaka wasiliana nasi, Barua pepe: ukombozigosple@gmail.com Simu: +255 759 859 287 pia waweza itumia kwa M-PESA. Zaidi www.ukombozigosple.blogspot.com