 |
| Na Mwalimu Oscar Samba #Ug Ministry |
Yapo majira
ya Kuingia, kuishi na hatimaye kutoka Misiri huku ukiyakabili majira mapya ya
Jangwani ama nyika isiyopandwa kitu kwani haina umande, pia yapo majira ya kuingia
ama kuishi Kanani.
Na majira
hayo yote yamegawanyika katika majira kadhaa, na leo ninakujuza kuhusu Majira
ya Farao Asiyemjua Yusufu. Ni kweli wana wa Iziraeli waliingia Misiri na Mungu
alihaidi kuwabariki ama kuwazidisha huko kupitia ahadi ya Ibrahimu; Mwanzo
15:13. Andiko hilo pia lilitaja muda wa kuishi huko ikiwa ni miaka 400.
Na kipindi
cha Mzee Yakobo jambo hili lilitimia pale Mungu alipomtaka kushuka huko Misiri
na ajenda iliyowasukuma ilikuwa ni njaa; Mwanzo
46. Baada ya hapo maisha yalikuwa mazuri mno kwani Kijana wake Yusufu
alipata kibali na kibali hicho kikawa juu ya Iziraeli yote.
Lakini ili
ahadi ya Mungu ya kuwatoa Misiri itimiye ni lazima wapitiye Jangwani, na maisha
ya jangwa ni magumu mno, na Mungu alilazimika kuhakikisha ya kwamba anatengeneza
mazingira yakuwafanya wayaone walau maisha ya jangwani ni bora kuliko ya
utumwani. Kwani lazima wapitiye shule iitwayo jangwa ili kuweza kuishi vyema
katika jiji la raha liitwalo Kanani.
Ndiposa
Mungu akaruhusu majira mazuri mno kiroho ila magumu sana kimwili ya itwayo; “MAJIRA
YA FARAO ASIYEMJUA YUSUFU.” Kwani Mungu alitazama jinsi walivyoyafuraia yale
maisha ya masufuria ya nyama na matango na matikiti ukizingatia walikimbia njaa
kule Kanani.
Tuyadodose
hayo majira kwa mapana zaidi: Kutoka 1:8 Basi akainuka mfalume mpya
kutawala Misiri, asiyemjua Yusufu.
Huyu ndiye
Huyo Farao, Tutizame atakayotenda.
9 Akawaambia watu wake,
“Angalieni watu wa wana wa Iziraeli ni wengi tena wana nguvu kuliko sisi. 10
Haya! na tuwatendee kwa akili, wasije wakaongezeka; tena, kukitokea vita wao
nao wasije wakashikamana na adui zetu na kupigana nasi, na kutoka katika nchi
hii.” 11 Basi wakaweka wasimamizi juu yao wawatese kwa mizigo yao. Nao
wakamjengea Farao miji yakuwekea akiba, Pithomu na Ramesesi.
Mstari wa kumi na mbili unadhibitisha faida
yangu moja wapo ya majira haya kwani unasema ya kwamba; “Lakini kwa kadri ya walivyowatesa
ndivyo walivyoongezeka na kuzidi kuenea. Nao walichukiwa kwa sababu ya wana wa
Iziraeli.” Na wewe kadri
wanavyokutesa ndivyo unavyozidi kuongezeka kiroho na upako unajaa huku mafuta
ya Mungu yakikutiririkia mara dufu huku ukaribu wako na Mungu ukipanuka kila
Uchwao.
Natumai
umeanza kujionea kuhusu ugumu au majira haya, ila sio huo tuu bali tujionee
zaidi.
13 Wamisiri
wakawatumikisha wana wa Iziraeli kwa ukali; 14 wakafanya maisha yao kuwa uchungu
kwa kazi ngumu; kazi za chokaa na
matofali, na kila namna ya kazi za mashamba; kwa kazi zao zote
walizowatumikisha kwa ukali.
Mateso
hayakuishia hapo bali yalizidishwa makali kama ule moto wa mfalume Nebkadreza
kwa wakina Azaria ulivyochochewa mara 7 zaidi, tumulike mstari wa 15.
15 Kisha mfalume wa
Misiri akasema na wazalishaji wa waebrania, … 16 akasema, “Wakati mwazalishapo
wanawake wa Kiebrania na kuwaona wa katika kuzaa, ikiwa ni mtoto mwanamume,
basi mwueni, bali ikiwa ni mtoto mwanamuke basi na aishi.”
Hakika
hayakuwa majira mepesi kwao lakini Mungu aliyaachia kwa makusudi na hili ndilo
kusudi lake: Alitaka kuwatengenezea msuli wa kuweza kuimili mikikimiki ya
jangwani, pili alilenga kuwafanya watambuwe kuwa hiyo sio nchi yao kwani
hatuwaoni mahali wakiwa na kiu yakurejea kama ilivyokuwa kwa Yusufu ambaye
alitamani kurejea kiasi chakuwataka kutokuacha hata mifupa yake huko.
Tatu,
alilenga kutengeneza hoja itakayowafanya wana wa Iziraeli kuishikilia na
kuisimamia ili kuwa na umoja wakutoka katika nchi hiyo na itamfanya Farao na
taifa lake kutamani ama kutaka kuwaachiilia huku ikikumbwa kwamba wamisiri
walishaonyesha chuki juu yao. Na fahamu kuwa mtu unayempenda kumuachuilia ni
ngumu hata kama ni hatari kwako ila ukisha mchukia waweza muachilia ingawaje
bado unamuitaji.
Nne,
alitafuta namna yakuwatoa ambayo itamfanya akumbuke Agano lake na awatowe
kiagano maana aliwapeleka kiagano.
Katika njia
hii Mungu alifanikiwa mno, Wana wa Iziraeli walilia kwa sauti iliyo kuu katika
majira haya, na kumlilia Mungu. Maombi yaliyomfanya Mungu kutokutulia na
hatimaye kumtuma Musa huku akilikumbuka Agano. Kwa moyo mkunjufu ninakufunulia
maandiko hayo.
Kutoka 6:2-8, 4 Tena nimelidhibitisha agano langu nao,
la kuwapa nchi ya Kanani, nchi ya kukaa kwao hali ya ugeni. 5 Na zaidi ya hayo
nimesikia kuugua kwao wana wa Iziraeli, ambao wa misiri wanawatumikisha, nami nimelikumbuka agano langu.
Musa anatumwa kwa ajili ya ukombozi, Na fahamu
anatumwa katika majira ya FARAO ASIYEMJUA YUSUFU, kwa hiyo Mpendwa mwenzangu
yamkini unapita katika mazingira magumu sana kimaisha na hali hiyo inakupa
kusononeka sana ila fahamu ya kwamba hayo ni majira ya Frao asiyemjua Yusufu na
Mungu amesikia kilio chako ndiposa mimi nikatumwa kama Musa ili kukutangazia
ukombozi wako hivi leo.
Yamkini hapo awali ulikuwa na kibali sana kwa
Mchungaji wako, Shemasi ama kiongozi fulani kanisani na uwenda ikawa ni kwenye
kwaya ila hivi sasa kimetoweka. Ulipendwa na kukubalika mno kazini ila kwa sasa
ni kama umepoteza mvuto.
Mume ama mke alikupenda na kukudhamini, wazazi
na hata wakwe walikuona ni mwenye dhamani ila muda huu wamekunyanyapaa.
Nisikilize, hayo ni majira mapya kwako kwani
ilikuwa hivyo hata kwa wana wa Waebrania kwani kiti ama cheo au nafasi ile ile
ya Farao iliyompa kibali ama kumpongeza Yusufu kipindi kile ndiyo iliyokuja
kugeuka na kuwa adui ama sehemu ya utumwa kwa wanae na nduguze.
Tazama Farao aliyemjua namna alivyomkubali na kumpa
Heshima hii sanjari na sifa kemukemu ama kedekede;
Mwanzo 41:38 Farao akawaambia watumwa wake, “Tupate
wapi mtu kama huyu, mwenye roho ya Mungu ndani yake?” 41 Farao akamwambia
Yusufu, “Tazama, nimekuweka juu ya nchi
yote ya Misiri.” 42 Farao akavua pete
yake ya mhuri mkononi
mwake, akaitiya mikononi mwa
Yusufu; akamvika mavazi ya
kitani kizuri, na kumtia mkufu wa dhahabu
shingoni mwake.
Yamkini na
wewe hapo awali walikuona hivyo, kwani walisema; “Tupate wapi mtu kama huyu, mwenye roho ya Mungu ndani yake”
Ila kibao kwa sasa kimegeuka na kuwa hivi:
“Haya!
na tuwatendee kwa akili, wasije wakaongezeka” ama “Wamisiri wakawatumikisha wana wa
Iziraeli kwa ukali.” Walikuona mtumishi mzuri tena mwenye heshima,
muimbaji bora, kijana mcha Mungu. Walikushirikisha kila jambo kipindi cha
majira ya Farao aliyekujua ila majira yamebadilika.
Wewe mtazame
Yesu kwani kubadilika kwa majira hayo ni kwa ajili ya kukutoa katika nchi ya
utumwa, na ninakuhakikishia ya kwamba muda wa ukombozi wako umekaribia. Wewe
mliliye Mungu na punde mambo yako yatakaa sawa kwani ninakwambia hili kama Musa
aliyekwisha kukutana na Mungu pale
kijiti kilipokuwa kikiwaka moto na ujumbe wangu ni huu.
“Kwa sasa
lia mbele za Mungu ili alikumbuke agano lake ulilofunga na Ibrahimu kwani wewe
ni sehemu ya hilo agano tangu pale ulipoamua kuokoka. (Mwanzo 15:16 Siku ile Bwana akafanya agano na Abrahamu, akasema, “Uzao wako nimewapa nchi hii, kutoka mto wa Misiri mpaka huo mto mkubwa,
mto Frati.”)
Pili
hakikisha haupambani na huyo Farao bali wewe muachiliye kwa Bwana naye
atashuhulika naye kwa maana yapo mapigo kumi kwa ajili yake na wewe bahari ya
Shamu itafunguka kwa ajili yako.”
Hongera kwa
kuwa pamoja na mimi na ni yangu imani ya kwamba wakati wako wakutoka hapo
utumwani umefika na hautatoka kwa kutoroka bali mpaka umempata Musa wako maana
ukifika Masa yeye ndiye atakayeupiga mwamba wa Horebu ili ukupatiye maji na pale
Shamu fimbo yake ndiyo itakayo ugawa mwamba. Ukimpata Musa basi na Yoshua unaye
maana ndiye atakayekurithisa Kanani yako.
Kama
hujaokoka na unataka kuokoka ama ulirudi nyuma kiroho na unataka kutengeneza na
BWANA kwa upya leo, tafadhali fwatisha nami maneno haya kwa Imani, Sema: BWANA
YESU, NINAKUPENDA, NINAKIRI NA KUAMINI MOYONI MWANGU KUWA WEWE NI MUNGU,
ULIKUFA NA KUFUFUKA KWA AJILI YANGU, INGIA NDANI YANGU KAMA BWANA NA MWOKOZI WA
MAISHA YANGU LEO, AMENI.
Hongera kwa
kuokoka na tafuta kanisa la watu waliokoka ukasali hapo.
Na Huduma ya
UKOMBOZI GOSPLE, Arusha Tanzania, Kwa Maombi, Ushauri, Maswali au Sadaka
wasiliana nasi, Barua pepe: ukombozigosple@gmail.com
Simu: +255 759 859 287 pia waweza itumia kwa M-PESA. Zaidi www.ukombozigosple.blogspot.com #UkomboziGosple #MwalimuOscarSamba
Pia #Like
#Penda Page/Ukurasa wetu au kundila Fb, ili kuupta habari hizi kwa haraka,
zaidi. Ug Ukombozi Gosple, PAGE:
https://www.facebook.com/Ug-Ukombozi-Gosple
Hakuna maoni:
Chapisha Maoni