Na Mwalimu Oscar Samba
Neno Kiungu huwakilisha kutoka kwa Mungu au Shetani,
ujumbe huu ni sehemu ya hiki kitabu chenye mada na pwenti kadhaa, ila hapa
nimezicha,bua mbili tu; #Corona #Covd19 #Tsunam #Majanga #Kimbunga #magonjwayamlipuko #tanzania
1. Lifanye Eneo Unloishi kuwa Ghosheni yako. 2. Ijue
na Uitumie Damu ya Yesu ya Pasaka; 3. Mulize Mungu kama Daudi; 4. Litengenezee
Kusudi la Mungu Kisafina kama Musa, ama Nuhu; 5. Jifunze Jambo kwa Mke wa Lutu;
6. Sadaka kama Ulinzi; 7. Sadaka kama Sehemu ya
Rehema, Mfano ile ya Daudi kipindi cha adhabu ya Tauni, 8. Taka Kujua pigo Hilo
au Adhabu hiyo Inataka nini ili Ujisalimishe kwa Bwana, Mfano Rahabu, na Epuka
kosa la Farao.
9. Yajue na
Uyaombe Maombi ya Musa ya Kulitengeneza Boma, 10. Mtafute na Umuondoe Akani, 11.
Jitenge na Kusanyiko, au Kiunganishi cha Kusanyiko ama Waadhibiwa, ondoa jina
lako kwenye watu wanaotakiwa kupewa hiyo Adhabu kwa Damu ya Yesu.
12. Tafuta Maelekezo Maalumu ya Mungu juu yako, kama
Isaka dhidi ya Janga la Njaa na Wazazi wa Yesu. 13. Unapoisikia Hofu Usiipuzie,
Taaka Kujua ni Aina gani ya Hofu ala Uikabili..
14. Tafuta Kukumbuka kama Mungu Aliwahi Kukujuza
hapo Awali na Hukumsikia Vyema au Hukumbuki. (Amosi 3:7 Hakika Bwana MUNGU
hatafanya neno lolote, bila kuwafunulia watumishi wake manabii siri yake.)
Sijui sana ni kwa nini kanisa la leo lina uzito kwenye hili, nijualo ni kwamba uwezo wa kusoma alama za
nyakati, au majira umekuwa ni adimu sana kwa kizazi cha leo! Nafahamu kuwa hali
ya kupuzia ndoto, kutokutambua jinsi Mungu anavyoongea, na mafundisho manyonge
kuhusu uhusiano wetu na Roho Mtakatifu ni miongoni mwa sababu ambatanishi.
Kama kuna mahali Shetani amefanikiwa leo ni kuondoa,
ama kuzimisha kama sio kufifisha karama ya unabii, na huduma ya nabii, pamoja
na neno la maarifa!
Na anatumia njia kuu kama mbili hivi, moja ni
kuhakikisha kanisa linapoteza imani na manabii au wanaotumiwa na karama hizi,
kwa kujiwekekea manabii wa uongo, ili kuwakatisha watu tamaa na kuwafanya wa
waone hata wale wa Mungu nao ni kama hao wengine!
Pili analitumia kanisa lenyewe, kwa kufikia hatua ya
kupinga, na kukataa, na kuzimisha huduma na karama hizi, na sababu zao ni
nyingi ila hazina hoja timilifu kibiblia, maana kama kuna wimbi la mafundisho
na huduma potofu, suluhu bado sio kuzima na kukataa ile ya kweli, bali wafunze
watu namna ya kutambua kweli na uongo. Mchele ukiwa na chuya, dawa sio kukataza
nyumbani wasipike tena mchele bali ni kuwafunza kuzitoa, na kama ni mcahanga
basi watake kuwa makini kuchambua maana mawe mengine ni yale meupe, kwa hiyo
yanafanana kwa karibu na mchele, lakini pia kama ni vigumu, wafunze kupembua au
kuuchambua wakati wanauosha na maji, njia ambayo ni salama zaidi.
Maharage yakiwa na mchanga au mawe, hayamwagwi, bali
huchambuliwa! Na wewe ukiona dosari katika hudumka na karama hizi, hakikisha
unazikabili!
Maandiki yako wazi kabisa katika biblia kuwa
tunatakiwa kujifunza na kuhakikisha kuwa tunasoma alama za nyakati, au tunajua
mabadiliko kwa kuzitambua dalili zake, mkulima asipojua kusoma uso wa nchi,
hakika atakuwa akipitwa na maamuzi dhabiti katika majira husika, wakati wengine wanandaa mashamba yeye atashindwa kufanya hivyo, ama atajikuta
akiwacheka wengine, maana kwa wengine ili walime ni hadi waone mvua imenyesha bila
kujua kwa kufanya hivyo ni gharama zaidi maana aridhi husumbua kwani kulima
kwenye tope ni kugumu zaidi! Pia ipo hatari ya kushindwa kufanya vyema maana
kuna uwezekano wa kunyeshewa! Kuna kuchelewa pia kupanda, maana wakati wa
kuotesha wewe ndo kwanza unakwatua udongo.
1 Mambo ya Nyakati 12:
32 Na wa wana wa Isakari, watu wenye akili za kujua nyakati, kuyajua yawapasayo Israeli wayatende;
vichwa vyao walikuwa watu mia mbili na ndugu zao wote walikuwa chini ya amri
yao.
Biblia ya Kiswahili rahisi
imetumia haya maneno: Watu wa Isakari, waliofahamu majira na kujua kile ambacho Israeli inapasa kufanya,
walikuwa
wakuu
200, pamoja na jamaa zao
wote chini ya uongozi wao.
Akili za kujua nyakati,
ufahamu wa kujua majira, ikibeba neno ili kuwajulisha wana wa Israeli nini cha
kufanya! Wasomaji wa sura au mukutadha huu wanafahamu kuwa hao ni mashujaa wa
mfalme Daudi! Ni kikosi kilichomuwezesha kushuinda vita! Vinatajwa kwa makabila
yao, na wana hawa wa Isakari walipewa kipawa cha kuweza kusoma majira! Swali
langu ni katika hoja ile ile, kwamba wewe umepewa nafasi hii! Na katika kansa
lako hawa watu wapo, na kama wapo wanajitambua, na wanatambulika, wanatumiwa!
Daudi alikuwa na watu ambao wanajua nini cha kufanya
kabla ya vita, na wakati wa vita!
Na kwa bahati mbaya sana hata Mungu anapozungumza na
mtumishi au mtu binafsi kuhusu hatari iliyopo mbele, wengi hupuzia! Sijui huwa
unafikiria au huwa “unajiulizaga” kuwa nini kingalitokea kama mfalme wa Misri
Farao angeamua kupuzia ndoto alizoziota au tafsiri aliyopewa na Yusufu!
Sasa jaribu kufikiri kuwa Farao kapuzia, na njaa
imeingia Misri, na kuna watu wanakufa kwa njaa, na sio katika Misri tu, bali
dunia nzima inateseka na janga la njaa na hawana msaada!
Uwe na uhakika, hata familia ya mzee
Yakobo ingeteseka japo ni taifa teule! Na ndicho kinachoendelea kwa dunia
inapofika kipindi cha mapigo kama hiki! (Na kanisa nalo linatandikwa!)
Watoto wanakufa, wazazi au watu wazima nao wanakufa,
wakiwemo wafungwa magerezani, matajiri na fedha zao wanapoteza maisha kwa njaa
pia, lakini tatizo ni uzembe wa Farao kupuzia ndoto (Ujumbe)! Ama kama Yusufu
naye asingekaa kwenye nafasi yake!
Nataka tu kukufikirisha kuwa, huenda tumefika hapa
tulipofika leo kwa sababu ya mtu mmoja au wawili, yaani Farao na Yusufu wetu
kutokukaa kwenye nafasi zao au yao vyema!
Kukitokea
vita kwenye jamii, kukitokea njaa ama ukame, magonjwa na majanga ya kimazingira
au kijografia ama kibaolojia kama haya ya kiafya, usiwe mwepesi wa kumtazama
Mungu kwa jicho la kumuhoji maswali magumu, bali tafuta kujua kama wapo wakina
Yusufu waliozembea, huku na wewe ukijipeleleza! Na inawezekana haukuwa na
ujumbe wa taifa lote, ila ulikuwa na ujumbe wako binafsi, jiulize uliufanyia
kazi!
Tuendelee
kujionea jambo hili kibiblia.
Mfalme Herode alitambua fika kuwa hakuna jambo tena
hasa ama hususani linaloweza kuwahusu wana wa Israeli lisiloweza kuwa
lilishanenwa, ndiposa alipopata taarifa za kuzaliwa kwa Yesu, kabla ya kuleta
majanga au janga alilokuja kulileta la kuangamiza watoto wote wa kiume,
alitafuta kujua jinsi ilivyokuwa imetabiriwa! Sasa huyu ni mtu asiyeokoka, ila
alijua siri hii! Cha ajabu kansia la leo, lemedumaa mahali!
Basi
mfalme Herode aliposikia hayo, alifadhaika, na Yerusalemu pia pamoja naye.
Akakusanya wakuu wa makuhani wote na waandishi wa watu, akatafuta habari kwao,
Kristo azaliwa wapi? Nao wakamwambia, Katika Bethlehemu ya Uyahudi; kwa
maana ndivyo ilivyoandikwa na nabii,
“Nawe
Bethlehemu, katika nchi ya Yuda, Hu mdogo kamwe katika majumbe wa Yuda; Kwa
kuwa kwako atatoka mtawala Atakayewachunga watu wangu Israeli.” Ni Mathayo
2:2-6.
Ni mchungaji ama ni
mtumishi gani leo mwenye kuweza kuwakusanya watu wake wa maombi na kuwaambia
nawapa siku kadhaa nataka mniletee jibu la Mungu kwanini janga hili leo! Ama
mwenye uwezo wa kuingia gharama na kutafuta kilichonenwa! Ninachojua sana sana
mara nyingi kwenye majanga kama haya ni kumkemea Shetani, na kuomba rehema ambayo
mtu hajui ni kwa nini anaiomba, kwa hiyo huwa katika kubahatisha, yamkini Bwana
tumekutenda dhambi, yamkini kuna hiki na kile! Ni vyema, kuomba hivyo, ila ni
kwa nini usifike mahali pa kutaka kujua kiunagaubaga nini kilichosababisha kwa
kutaka kufahamu kama hapo awali Mungu aliwahi kuongea au kulidhibitisha hili la
leo!
Mafarisayo nao hawakuwa nyuma, walikuwa wakiyapekua
maandiko, wakitafuta sana kujua habari za Kristo, na Yesu alilijua hili, ila upofu
uliwagubika kiasi cha kuona ila wakijifanya hawaoni, kiasi cha kunyimwa
kufunuliwa waziwazi ili wasije wakaongoka!
Yohana 5:39 Mwayachunguza maandiko, kwa sababu
mnadhani kwamba ninyi mna uzima wa milele ndani yake; na hayo ndiyo
yanayonishuhudia.
Kuna vitu walitaka kuvihakiki kutoka kwa Yesu! Na
hakuna mahali pengine walifahamu wanaweza kuvipata nje ya maandiko! Ila kanisa
la leo mambo yanapokuwa magumu haliwi jepesi kwa kutaka kujua hapo awali kama
ilishanenwa au kutaarifiwa! (Jifunze kuchunguza-chunguza.)
Na kama hujui pa kuanzia, jambo hili lisikusumbue,
wewe ingia kwenye maombi, ukimsihi Roho akufunulie lilowahi kusemwa, ama
akuinulie mtu atakayekupasha, au akukumbushe kama uliwahi kuambiwa na
hukumbuki! Naye ni mwaminifu, uwe na hakika kama Manoa na mkewe yaani wazazi wa
Samsoni walivyoomba yule malaika arudi tena ili kuhakikiki ujumbe ule,
naweitakuwa vivyo kwako!
Ni muhmu sana kujua pa kuanzia! Na sehemu sahihi ya
kuanzia ni pale ambapo Mungu alishajifunua ama kulifunua jambo hilo!
Mafarisayo
pia walitaka ishar ya mambo yajayo, au yaliyokuwa yakiendelea, hii ina maana
pana sana! Yesu ni kweli alikuwa ni ishara! Ila kuna ishara nyingine
ambatanishi kumuhusu! Sasa ile Yesu aligoma kuwaambia, wewe sio kazi yako
kushikilia hapo, maana hawa waliuliza kinafiki, na Yesu hakuwa na haja ya
kuwajibu kama mtu amjibuvyo mwanafunzi mwenye nia au dhamiri njema, wewe uliza,
na mwambie najua utakuwa uliongea mimi sikuelewa, maana leo nipo kwenye janga,
nataka kujua kwa nini sikuliepuka, au jamii yangu, ama ile jamii unayoiombea!
Maana nilipaswa kujua mapema!
Na
kama unaziona ishara au dalili za jambo lijalo, sasa kupitia ujuzi unaojuzwa
hapa, hakikisha hutakubali kufanya kosa, bali utatumia maarifa haya vyema!
Wakamjia
Mafarisayo na Masadukayo, wakamjaribu, wakamwomba awaonyeshe ishara itokayo
mbinguni. Akajibu, akawaambia, [Kukiwa jioni, mwasema, Kutakuwa na kianga; kwa
maana mbingu ni nyekundu.
Na
asubuhi, mwasema, Leo kutakuwa na dhoruba; kwa maana mbingu ni nyekundu, tena
kumetanda. Enyi wanafiki, mwajua kuutambua uso wa mbingu; lakini, je! Ishara za
zamani hizi hamwezi kuzitambua?] Kizazi kibaya na cha zinaa chataka ishara;
wala hakitapewa ishara, isipokuwa ishara ya Yona. Akawaacha, akaenda zake. Mathayo 16:1-4
Kuna mambo mawili tunayoweza kuyapata hapa, mosi ni
kwamba ishara ya Yona ni adhabu, kwamba hawa Mafarisayo walitumwa kama Yona,
ila wakagoma kukaa kwenye nafasi zao, na jambo la pili ni siku tatu, mateso ya
Yona, ambapo huwakilisha Yesu kufa na kufufuka baada ya siku tatu, kuwa katika
hali ya kaburi siku tatu kuu sawa na kule kuwa katika tumbo la samaki kwa Yona.
Hapa alilinyambua kidogo;
Na makutano walipokuwa
wakimkusanyikia, alianza kusema, Kizazi hiki ni kizazi kibaya; kinatafuta
ishara, wala hakitapewa ishara, ila ishara ya Yona. Maana, kama vile Yona
alivyokuwa ishara kwa Waninawi, ndivyo atakavyokuwa Mwana wa Adamu kwa kizazi
hiki. Ni Luka Luka 11:29-30.
Kitu
muhimu ninachotaka ujifunze hapo ni hiki! Watu hawa walitambua kuwa lazima
jambo hili linaloendelea lina ishara ndani yake! Sasa walipekua na kupekua
katika maandiko, yamkini waliona walichoona, maana kama waliweza kumjuza Herode
kuhusu kuzaliwa kwa Yesu ni fika na maengine waliyaona na kuyajua! Sasa ya
Rohoni zaidi, ama tafsiri zake, walitaka Yesu amalizie ama awasaidie! Maana
hawa ni waandishi wa Torati, na Waalimu, na viongozi wa ibada, ni wanatheolojia
wa maswala ya dini yao! Ila kuna vitu bila Roho huwezi ona!
Ninachotaka
wewe ujiulize, je umeshalipa ghrama za kutaka kujua kama kuna wakati ulipaswa
kujua, ila hukujua na sasa upotayari kufanya fidia ya kosa husika!
Natumai jambo hili, ama utakapoenda mbele za Mungu
atakujuza kama ilivyokuwa kwa wanafunzi wake! Walitaka kujua mambo yajayo, na
wewe taka kujua yajayo pia, ila kama umeshachelewa na upo kwenye tatizo, usife
moyo, mtake akukumbushe, tujionee hapa, maana ni muhimu kujua kuwa kila jambo
linaloihusu dunia, iwe ni mabadiliko mabaya au mema linakuwa na ishara zake!
…. (mstr.3-4) Hata
alipokuwa ameketi katika mlima wa Mizeituni, wanafunzi wake wakamwendea kwa
faragha, wakisema, Tuambie, mambo hayo yatakuwa
lini? Nayo ni nini dalili ya kuja
kwako, na ya mwisho wa dunia? Yesu akajibu, akawaambia, Angalieni, mtu
asiwadanganye..... (Unaweza soma sura karibia yote ya Matahtayo 24.)
Jibu lao limekuwa nimsaada mkubwa sana kwao na
kwetu! Walipata mskukumo wa kutaka kujua dalili, za mambo yajayo, na ujio wake
Yesu mara nyingine!
Na sijui ni kwa nini kanisa leo halina kiu ya kutaka
kujua dalili za mambo yajayo, na hata Mungu anapolifunulia hupuizia! Wengine
hukemea, kana kwamba kila kitu kibaya ni pepo! Unaonaje kama wanafunzi wa Yesu
wangekemea hizo dalili za mambo yajayo! Waanze kusema kwa jina la Yesu wa
Nazarethi tetemeko la aridhi la kipindi hicho, na roho za vita, na njaa na hiki
na kile vishindwe!
Sina
maana ya kukemea ni vibaya la! Ni muhimu, ila ufahamu wetu ni lazima ukue, kwa
kiwango kikubwa zaidi! Kukosa maandalizi ya kifikra ni miongoni mwa sababu ya
kuwafanya watu waombe maombi ya kiholela!
Sasa
usiache kuomba kwa hofu kuwa unaomba kiholela la!
Maana
hata hapo pia Mungu yupo ili akujibu, na maadamu tuna Roho Mtakatifu ambae
hujua kutuombea vyema maana sisi hatujui, usiwe na shaka wewe msihi na omba
katika Roho atakusaidia tu!
Ila
hii siyo sababu ya kuufunga ufahamu wako na kukuzuilia kukua katika kumfahamu
Mungu kiupana zaidi katika jambo hilo!
Unaonaje
watu wa dhiki kuu, au watu wa kipindi cha kukaribia kunyakuliwa kwa kanisa
wakaishi ama tukaishi bila kuzijua dalili husika!
Dalili
zipo ili kukusaidia kujua cha kufanya kabla, ili kuepuka kukosea, na kutenda
vyema!
Ukimuona
mpendwa mwenye mashaka, na wasiwasi, hajui cha kufanya katika kipindi cha janga
kama hili, uwe na hakika kuna shida mahali! Na ni kwambie wazi tu kwamba,
ukiona kanisa limefikia mahali pa kukosa majibu ya jambo kama hili, ni fika
kuwa, kuna mahali halikukaa kwenye nafas yake! Kanisa ni jicho la Mungu!
Katika kanisa la Matendo ya Mitume, au kanisa la
kwanza, kulitolewa unabii kuwa kutakuwa na njaa katika Dunia! Jibu na suluhu
halikuwa kukemea pepo au roho ya njaa, bali lilikuwa ni kuweka akiba, au
kuandaa changizo kwa ajili ya watu kama hao!
Ni kuhakikishie kuwa kama baadhi ya wapendwa
wangekuwa wao ndio Yusufu yule wa Farao, hakika wangeingia kwenye maombi ya kufunga na kuomba wakikemea na
kuzuia pepo na roho ya njaa! Ila maelekezo sahihi yalikuwa ni kujiwekea akiba!
Kanisa leo linataka limuongoze Mungu! Sio liongozwe
na Mungu! Ni sawa na wale wanaopuzia mashariti na maelekzo ya wataalamu wa afya
katika nyakati za majanga kama haya! Wanasema tunamuamini Mungu, kwa hiyo
kuchukuwa taadhari kama za namna ya kujikinga kwao ni vigumu sana! Uwe na
hakika kuwa wangekuwa ndio wakina Yusufu wa leo wangemwambia Farao, ni kweli
imetabiriwa kutakuwa na njaa ila tumuamini Mungu, ninasema kama mtumishi wa
Mungu hakutakuwa na njaa, na wakikukuta unajiwekea akiba wataanza kukushanga na
kukwambia wewe huna imani!
Matendo ya
Mitume 11:27-30
Siku zizo
hizo manabii walitelemka kutoka Yerusalemu hata Antiokia. Na tulipokusanyika
akasimama mmoja wao, jina lake Agabo, akaonyesha kwa uweza wa Roho Mtakatifu
kwamba njaa kubwa itakuja karibu katika dunia nzima, nayo ikatukia katika siku
za Klaudio.
Na
wale wanafunzi, kila mtu kwa kadiri ya alivyofanikiwa, wakaazimu kupeleka msaada kwa ndugu zao waliokaa Uyahudi.
Wakafanya hivyo,
wakawapelekea wazee kwa mikono ya Barnaba na Sauli.
Ujumbe huu ukupe kujichunguza kama kuna mahali
ulipewa maelekezo fulani nawe ukajifanya wakiroho kuliko Roho, aidha ukiishilia
kukemea ndoto! Maana sio kila ujumbe mbaya unahitaji kukemewa, mwingine
unahitaji mbinu za kukabiliana nao, kama kujiwekea akiba, na kadhalika! Sasa
ikupe kufahamu, na kisha kusahihisha makosa!
Andiko
ama maandiko yajayo yanatupa upana sana, kuwa manabii walitaka kujua kuhusu
wokovu ujao, na pia kuhusu mateso yaliyowahi kutabiriwa, sasa na wewe taka
kujua mambo yatakayoikumba jamii, na unapojulishwa usipuzie, bali tafuta
kufahamu ni nini cha kufanya, achana na ushamba wa kukemea kila kitu! Tafuta
muda na Mungu ili utoke na maelekezo muhimu ya kufanya, Yusu alitupa ama
aliisaidia dunia sio kwa kukemea ndoto, bali kwa kuwa na maelekezo muhimu!
Petro alipopewa ujumbe na Yesu kuwa utanikana mara tatu, alikemea! Na wewe
ukijifanya wakiroho kuliko Yesu sawa, ila uwe na hakika yatakupata kama ya
Petro! Mwenzako alipogundua kosa alitubu, sijui wewe!
Kitu
amabcho Petro abngwezeza kufanya ni kuomba maombi kama aliyoombewa na Yesu, au
kuomba msaada zaidi wa amombi kama hayo! Mana Yesu alimwmabia kwua nimekuombea
ili imani yako iimarike, na ukiimarika waimarishe na wenzako!
Unaonaje
kama Yesu asingemuombea Petro! Na wewe unaonaje kama usipoomba! Tena kwa
maarifa, sio kuomba ilimradi umeomba! Ishara ya jogoo, ilionyesha jambo! Na
wewe taka kujua ni sihara ipi ilioamriwa katika majira! Maana kutokujua
hakuondoi uwepo wa tukio usilolipenda! Bali kuchukuwa hatua kunaweza kuliondoa,
ama kukupa namna ya kulikabili!
Tujonee
hapa:
Katika
habari ya wokovu huo manabii walitafuta-tafuta na kuchunguza-chunguza, ambao
walitabiri habari za neema itakayowafikia ninyi.
Wakatafuta
ni wakati upi, na wakati wa namna gani ulioonywa na Roho wa
Kristo aliyekuwa ndani yao, ambaye
alitangulia kuyashuhudia mateso
yatakayompata Kristo, na utukufu utakaokuwako baada ya hayo.
Wakafunuliwa
ya kuwa si kwa ajili yao wenyewe, bali kwa ajili yenu walihudumu katika mambo
hayo, ambayo sasa yamehubiriwa kwenu na wale waliowahubiri ninyi Injili kwa
Roho Mtakatifu aliyetumwa kutoka mbinguni. Mambo hayo malaika wanatamani
kuyachungulia. 1 Petro 1:10-12.
Mwalimu
mmoja wapo aliyemzuri wa jambo hili ni Danieli, katika sura ile ya tisa ya
kitabu cha Danieli tunajionea jinsi Roho alivyomfunulia, ni baada ya kuwa na
kiu, au shahuku ya kutaka kujua muda ambao ulishatabiriwa! Na alipojua moja kwa
moja alichukuwa hatua ya maombi, sasa huyu aliomba kwa maarifa, na majibu
yakakapatikana, sijui wewe umejipangaje au unaombaje! Maana natumai kuwa wana
wa Israeli walikuwa wakiomba siku zote, ama mara kwa mara, ila walipotambua, au
walipofunguka ufahamu, uliokuja baada ya kujua yaliokwisha kunenwa moja kwa
moja majibu yalipatikana, natumai pwenti ijayao itakupa maarifa zaidi.
15.
Ombea Akili zako, au Msihi Roho Mtakatifu Azifunulie, ufunuo wa Kiungu ni kitu
muhimu sana hapa! (Danieli 9:22 Akaniagiza,
akaongea nami, akasema, Ee Danielii, nimetokea sasa, ili nikupe akili upate
kufahamu.) Kuna aina ya akili, au ufahamu unaohitajika linapofika jambo
kama hili!
Sijui
kama unajua, ama wenzangu wanafahamu kiundani kuwa mapigo kama haya
yanayoamuliwa juu ya dunia mara nyingi huwa na tabia ya kufunga fahamu za watu
ili wasijui namna ya kujinasua! Ni kama vile funguo huwa zinafichwa au
kufungiwa mahali! Ndio maana utawakuta wengi wananung’unika, wengine wanaomba
ila sio katika maarifa!
Tukirejea
katika mabo ya Nyakati tuliposoma, tunajione kitu muhimu sana pale!
Akili/ufahamu kama semu ya kumuwezesha mtu kutambua nyakati, au majira, yaani
kuweza kujua ni nini cha kufanya! Kumbe uwezo wa kujua cha kufanya umefichwa au
umewekwa katika akili!
1 Mambo ya Nyakti 12:32 Na wa wana wa Isakari, watu
wenye akili za kujua nyakati,
kuyajua yawapasayo Israeli wayatende; vichwa vyao walikuwa watu mia mbili
na ndugu zao wote walikuwa chini ya amri yao.
Biblia
ya Kiswahili rahisi imetumia haya maneno: Watu wa Isakari, waliofahamu majira na kujua kile ambacho Israeli
inapasa kufanya,walikuwa wakuu 200, pamoja na jamaa zao wote chini ya
uongozi wao,
Kanisa
likifungwa ufahamu, hakika haliwezi kujua nini cha kufanya! Kunajanga kubwa
lilikuwa likiikabili Israeli, (japo wanahistoria na ukisoma historia ya Israeli
utaliona hilo, na yamkini bado haijaishia hapo,) ila Israeli ama Yerusalemu
haikuweza kuliona hilo jambo!
Badala
yake waliendelea na kupuzia mambo, ama kumkosea Mungu! Yesu aliyeona aliumia,
aliugua, na hata kulia machozi!
Alitamani
wachukue hatua zitakzowawezesha kuepukana na hatari hiyo! Tunafahamu miaka
kadhaa baada ya kufa kwaYesu, mji ule uliharibiwa vibaya na dola ya Kirumi,
watu wao waliteseka njaa hata mamilioni kuja kuuawa na Adolf Hitler, hadi leo
Israeli imekuwa katika taabu ngumu, na kama hiyo haitoshi maandiko yanaelezea
misukosuko kadhaa katika kipindi kijacho!
Yesu
aliliona hilo! Ila akili ama fahamu zao zilifungwa, sasa ni nani ajuae kuwa na
kwako, au jamii yako kuna tatizo kama hili! Ndiposa maandiko yakasema kuwa
unaambiwa mambo mengi lakini hutilii moyoni! Ni kwa nini! Akili, na fahamu
zimepofushwa! Sasa hata ifikapo wakati wa kutafuta suluhu, mambo kama haya
husalia akilini mwa watu! Kama adui alimfunga mtu asitambue dalili au ishara,
ili asiweze kuzuia lijalo, ama kujua namna ya kufanya, uwe na hakika hata
kipindi cha taabu atafanya hivyo hivyo ili kumzuilia asiweze kujinasua hapo!
Alipofika
karibu aliuona mji, akaulilia,
akisema, Laiti ungalijua, hata wewe katika
siku hii, yapasayo amani! Lakini sasa yamefichwa
machoni pako.
Kwa kuwa
siku zitakuja, adui zako watakapokujengea boma, likuzunguke; watakuzingira na
kukuhusuru pande zote; watakuangusha chini wewe na watoto wako ndani yako,
wasikuachie jiwe juu ya jiwe, kwa sababu hukutambua majira ya kujiliwa kwako.
Luka 19:41-44.
Nataka
ushike sana haya maneno, “Laiti ungalijua,
hata wewe katika siku hii, yapasayo amani! Lakini sasa yamefichwa machoni pako!”
Anatuambia
kuwa yamefichwa machoni pako! Kuna mambo yampasayo amani! Yaani akiyatenda
amani itakuja!
Asipoyatenda
amani itatoweka.
Wana
historia huelezea jinsi hata Hekalu linalotajwa hapo mbeleni katika mukutadha
wa sura hii jinsi llivyokuja kuvunjwa, mji huu ulibomolewa kweli, adui zao
waliuzingira kweli, na kipindi hiki kilikuwa kigumu sana kwa taifa hili! Ila
kilishatabiriwa mapema, ilijulika, (ila hakutambua ishara, kwa hiyo hawakujua
cha kufanya ili kuepukana na madhila hayo;) maana adui alipofusha fikra zao!
Sasa
kama zimepofushwa, na unataka kutoa msaada, unafanyaje! Ni kuhakikisha zinapata
kuona! Maana fikra huwakilisha akili na ufahamu, maana kuwaza au kufikiri kwako
hutegemea sana akili na ufahamu wako!
Sasa
unaweza kuelewa ni kwa nini Danili alipoingia kwenye maombi, Mungu alihakikisha
anampatia akili, ili aweze kuwa na ufahamu! Na uwe na hakika, haikuwa kwa ajili
ya Danieli kama Danieli tu! Bali juu ya wakina Nehemia, Ezra na wengineo ambao
walitumika kama viongozi waliokuja kuwatoa wana wa Israeli ama Yuda uhamishoni,
ama kuhusika katika kuujenga mji na Hekalu!
Nini
cha kufanya, kuna tegemea sana akili zako!
Ndio
maana katika janga linaloendelea sasa maombi yangu ya awali ama pale mwanzo
licha ya kupambana na aina ya hofu iliyokuja juu yangu, nilijielekeza kwa
wanasayansi ili Mungu awafunulie waweze kugundua chanjo na hatiamae dawa ya
ugonjwa husika! Na hutawasikia wapendwa wengi wakiomba maombi ya aina hii!
Maana kwao kuweka akiba ni kosa! Ni kuishiwa
imani, ila kukemea pepo la njaa ndio kiroho!
Maandiko
yajayo licha ya upana wake, lakini yanatupa somo kubwa sana, kuwa kuna aina ya akili
ambazo mtu akizikosa hawezi kujua kutenda jema, au lililosahihi, atajikuta
akitenda ovu, ama akikosa uwezo ama upeo au uwelewa wa kufanya tendo jema!
Mpumbavu amesema
moyoni, Hakuna Mungu; Wameharibu matendo yao na kuyafanya chukizo, Hakuna
atendaye mema.
Toka mbinguni Bwana
aliwachungulia wanadamu, Aone kama yuko mtu mwenye akili, Amtafutaye Mungu.
Wote wamepotoka, wameoza wote pamoja, Hakuna atendaye mema, La! Hata mmoja. Je!
Wote wafanyao maovu hawajui? Walao watu wangu kama walavyo mkate, Hawamwiti
Bwana. Ni Zaburi 14:1-4.
Ndio
maana ninakuimiza kuombea akili zako, maana Mungu anapotaka kuleta msaada huwa
hatumii mtu ni mtu, bali hutafuta mwenye akili, mwenye kujua ni nini cha
kufanya!
Katika
kipindi kama hiki epuka sana kuomba na kutenda kwa kufuata mkumbo!
Unahitaji
maelekezo maalumu ya Mungu kama nilivyokujuza kwenye ile pwenti ya 12
tukajifunza kwa Isaka na kwa wazazi wa Yesu, lakini pia jifunze sana kuombea
fahamu zako, ili uweze kufunuliwa cha kufanya.
Nilitaka
kumalizia kwa aya hiyo hapo ili niingie pwenti nyingine, ila na wiwa
kukudhibitishia jambo hapa! Nilikwambia kuwa Yesu kwa Wayahudi alikuwa ni
ishara, kwa hiyo kitendo cha kumkataa kiliwafanya washindwe kusoma alama za
nyakati, kutenda kwao vyema kulikuwa ku katika kumkubali Yesu!
Sasa
sababu kubwa ni hii ya kufungwa fikra ama fahamu! Sio toka kipindi kile tu,
bali hata sasa, ndio maana hata baada ya kukutwa na mambo magumu, na mazito, na
hata wengine kujikuta wapo uhamishoni hadi leo, bado hawajaamua kumrudia Mungu!
Amekosekana
Danieli wa leo, ambae kwa kuvisoma vitabu anapaswa kufahamu ile Luka 19
ilivyofafanua mambo yote yaliyowakuta, na yanayoendelea kuwakuta leo, maana
kitendo cha kuishi katika aridhi yao kama watu wanaoikalia kwa mabavu wakati ni
uridhi wao ni ishara kuwa kuna kitu hakija kaa sawa!
Warumi
inaelezea bana jambo hili, ukipata muda jichambulie kwa makini ile Warumi 11,
jionee hapa, ili uwe na hakika pia kwako, ama kwa jamii yako ama kitu husika
kama ni adahabu ya Mungu hutangulia kwanza kutia giza, kuwapiga upofu ili
wasijinasuwe kwa nia ya kuwapiga sawasawa, alikadhalika kama kuna mkono wa
Shetani hapo!
Huku
ni sawa na kufichwa kwa kufunguo, au mlango kufichwa! Kwa nia ya kumzuilia mtu
kutoka! Sasa hata kama ni Mungu haimaanishi ukimsihi hatakusaidia, wewe jifunze
kwa Danieli, ni adahabu ya Mungu, na Mungu alimpatia akili na ufahamu!
Kama ilivyoandikwa,
Mungu aliwapa roho ya usingizi, macho hata wasione, na masikio hata wasisikie,
hata siku hii ya leo. Na Daudi asema, Meza yao na iwe tanzi na mtego, Na kitu
cha kuwakwaza, na malipo kwao; Macho yao yatiwe giza ili wasione, Ukawainamishe
mgongo wao siku zote. Ni Warumi 11:8-10.
Sasa
utaelewa ni kwa nini maandiko husema kwamba, atakuja kuwamwagia neena yake! Na
kazi moja wapo ya hiyo neema ni ili kuwawezesha kumtafuta Mungu! Yaani
kumgeukia! Na unapomgeukia utaji, au upofu huondolewa! Hapa akili hufunguka,
ndipo mtu huweza kutambua cha kufanya!
Dhibitisha
hapa, maana kunja aina ya utaji hauondoki kwa kuwa umeokoka, bali huondoka kwa
kuwa umeutafuta uso wa Bwana, na kuutafuta uso wa Bwana hapa sio kuomba
kiholela, au kwa kufuata mkumbo, bali ni katika ufahamu, ni vyema kulielewa
hili! Maana ni muhimu kujua utofauti wa maombi ya Danieli nay a watu wengine!
Hata Habakuki kipindi hicho alikuwa akiomba! Ila tunajionea utofauti anapoamua
kukaa kwenye zamu yake! Hapo ndipo majibu ya Mungu yanamjilia!
Kuomba
sio tija, sio tishio ila unaombaje, ambako hutokana na fahamu zako!
Jionee
hapa kuhusu utaji, au upofu huu;
..nasi si kama Musa
alivyotia utaji juu ya uso wake, ili kwamba
Waisraeli wasitazame sana mwisho wa ile iliyokuwa ikibatilika; ila fikira zao
zilitiwa uzito. Kwa maana hata leo hivi, wakati lisomwapo Agano la Kale, utaji
uo huo wakaa; yaani, haikufunuliwa kwamba huondolewa katika Kristo; ila hata leo,
torati ya Musa isomwapo, utaji huikalia mioyo yao. Lakini wakati wo wote watakapomgeukia Bwana, ule utaji huondolewa. 2 Wakorintho 3:13-16.
Anatuambia
kuwa, “ila hata leo, torati ya Musa isomwapo, utaji huikalia mioyo yao,”hata
leo, unapowahubiria injili, unapowambia neno hilo hilo ambalo hulisoma, utaji
huu unawazuilia, ni ili nini! Ili wasije kuona wakaongoka, wakatubu,
wakaponywa! Maana kuna kanuni muhimu za kutoka kwenye mapigo kama haya.
Ukielewa hapa, utaelewa sasa ni kwa nini kuna watu wanapigwa, ama wapo kwenye
taabu kama hii, ila wameamua kutafuta msaada kwa miungu mingine! Na wapo ambao
hawataki hata kumsikia Mungu wa kweli, ni kama vile hajui ama hawaoni kabisa
kuwa msaada upo kwake! Uwe na hakika ni kwamba wamefungwa fahamu zao, ili
wasije kumgeukia! Ili akawaponya!
Ndio
maana neema ya maombi, na sio maombi ya kawaida, bali ni maombi yenye mrengo wa
kumgeukiaMungu, ili kuwaondolea utaji!
Na
baada ya hapo ndipo wanawezeshwa au akili na fikra na fahamu zao zinakuwa na
uwezo wa kumkubali Yesu! Tazama kinachofuata!
Ni
wao kuomba toba, kuomba rehema!
Hii
sio toba ya kawaida!
Ndio
maana kiu yangu ni kutaka kuona watu wanafunguliwa fikra au fahamu zao kwanza,
ili wawe na toba kama hii!
Nami nitawamwagia watu wa nyumba ya Daudi, na
wenyeji wa Yerusalemu, roho ya neema na kuomba; nao watamtazama yeye ambaye walimchoma; nao
watamwombolezea, kama vile mtu amwombolezeavyo mwanawe wa pekee; nao
wataona uchungu kwa ajili yake, kama vile mtu aonavyo uchungu kwa ajili ya
mzaliwa wake wa kwanza.
Siku hiyo kutakuwa na maombolezo makuu huko
Yerusalemu, kama maombolezo ya Hadadrimoni katika bonde la Megido.
Nayo nchi itaomboleza, kila jamaa peke yake; jamaa
ya nyumba ya Daudi peke yao, na wake zao peke yao; jamaa ya nyumba ya Nathani
peke yao, na wake zao peke yao;
jamaa ya nyumba ya Lawi
peke yao, na wake zao peke yao; jamaa ya nyumba ya Shimei peke yao, na wake zao
peke yao.Jamaa zote zilizosalia, kila jamaa peke yake, na wake zao peke
yao.Zekaria 12:10-14.
Kumbe
kama changamoto moja wapo kwa watu au jamii yako ni kumgeukia Mungu, na kuna
wapendwa ndani yake, ni wewe kuwaombea au kuwamwagia roho ya namna hii ya
maombi, na neema, ili neema iwape upendeleo, au kibali kwa Mungu, ama kuwafanya
wakubalike ama kuwapa uhalali wakujibiwa au kusikilizwa kwa maombi yao, pia
neema hiyo ili iwape maarifa, na nguvu za maombi, ikisaidiana na hiyo roho ya
maombi! Kisha hapo watajikuta wakielekea kwenye maombolezo kwa maana kwamba
kosa lao au hatia yao wameshaijua!
Unajua
wakati huu ninapoandika kitabu hiki ni kwamba ugonjwa huu ni kama vile ulikuwa
umeshaondoka, au kupungua kwa kiwango kikubwa ila umerudi tena kwenye taifa
letu, ambako ilionekana kana kwamba umetoweka!
Na
wengi wanajaribu kutafuta sababu za kurudi kwake!
Unajua
nikikupiga, unatakiwa kutaka kujua ni kwa nini nimekupiga ndipo uombe msamaha!
Kuna
wanafunzi fulani wa mtumishi fulani, ilikuwa mwalimu akiwachapa shuleni baada
ya kuchapwa humuuliza ni kwa nini amewachapa!
Sasa
huyu mwalimu alikuwa anakasirika zaidi, na aliamua kumuliza mzazi wao, naye
alimjibu ndivyo nilivyowafundisha, ili wajue kosa, wajue mahali pa
kujirikebisha!
Kama
nimekuchapa kwa kosa la kutokunisalimia, na wewe ukaomba msamaha ili
nikumpunguzie adhabu, na yamkini fimbo ilikuwa ziwe kumi, nikaishilia kwenye
fimbo mbili, alafu hujui ni kwa nini nimekuchapa ila ukaishilia kufurahia kwa
kusamehewa, huoni hiyo ni hatari sana!
Maana
kesho unaweza kujikuta unanipita bila kunisalimia, na kwa kuwa nilikupa adhabu
ya fimbo kumi, nikakusamehe nane, uwe na hakika safari hii zinaweza kuzidi, na
mlango wa msamaha ukawa mgumu sana!
Ni
muhimu kujua kwa nini adhabu! Alafu uombe sio adhabu iondoke tu, bali na neema
ambayo itawazuilia watu kumkosa Mungu tena, na ikiwezekana uwataadharishe kuwa
tumesamehewa, kwa sababu hii na hii, msimuasi Mungu tena.
Hongera kwa
kusoma ujumbe huu, nakutia moyo kuzidi kumtazama Mungu, na pia uwenda
hujaokoka, yaani Yesu sio Bwana na mwokozi wa maisha yako! Nakutia moyo tena
kuokoka sasa! Yamkini ni uchumi, fedha, hazipatikani, unazingirwa na nuksi na
mikosi, kila unalofanya haliendi, unakabwa na mapepo, ! Wewe njoo kwa Yesu na
hayo yote yatapita kabisa ! Sasa natumi u
tayari!
Sema; MUNGU
BABA, NINAKUPENDA, ASANTE KWA KUNIPENDA KWANZA, LEO NIMETAMBUA KUWA MIMI NI MWENYE
DHAMBI, NA NIPO TAYARI KUOKOKA, TAFADHALI INGIA NDANI YANGU, SAMEHE DHAMBI
ZANGU, NA FUTA JINA LANGU KATIKA KITABU CHA HUKU, NA ULIANDIKE SASA KATIKA
KITABU CHA UZIMA WA MILELE, Ameni.
Kwa kufanya
hiyo umekwisha kuokoka sasa, na tafadhali tafuta kanisa la watu waliokoka
lililopo karibu nawe ukasali, hapo, waambie kuwa umeokoa hivi karibuni, ili
wakulee vyema kiroho.
Mawasiliano
yetu, kwa M-Pesa au Simu: +255 759 859 287, barua pepe:
ukombozigospel@gmail.com
pia
temnbelea: www.ukombozigospel.blogspot.com
. AU www.mwalimuoscarvitabu.blogspot.com
#Habari-Njem
ni kwamba, tumefanikiwa kutoa kitabu cha UKULIE WOKOVU, na cha USIFIE JANGWANI,
vimetoka kwa njia ya PDF, tayari kwa ajili ya kusomwa kwenye simu na kompta,
bei ni shilingi 5,000 za kitanzania; ukivihitaji au kukihitaji wasiliana nasi
kwa simu +255759859287, barua pepe: ukombozigospel@gmail.com pia zidi kutembelea: www.ukombozigospel.blogspot.com #MwalimuOscarVitabu #MwalimuOscarSamba
Hakuna maoni:
Chapisha Maoni