Na Mwalimu
Osacar Samba
“Kuna
kipindi nilipitia mahali pa gumu sana, na kutamani kufa, ama kujiua, ilifika
mahali nikiwa napita mjini nilitamani kujirusha mbele ya gari ili nife! Moyo
wangu ulipoteza matumaini kwa kiwango kikubwa sana! Ila kila nikitaka kufanya
hivyo mbele yangu kwenye ulimwengu wa roho na kwenye mawazo yangu au nafsini
mwangu nilikuwa nikiletewa picha ya watu ambao wamekwama mahali na kisha sauti
kuniambia kuwa hao watu wananitegemea au wananingojea mimi! Nikikwama na wao
watakwama!
Wakati
namsimulia mshirika au kijana wangu mmoja aliniambia kuwa, “sasa mchungaji
hauoni kuwa hao watu ndio mimi! Kama ungejiua leo ningepata wapi huu msaada!”
nilifikiri kwa kina na kulitia jambo lile moyoni mwangu!
Sasa leo
asubuhi (siku ya mwanzo ya uandishi) nikiwa hapa darasani, wakati naongoza
maombi nilisukumwa kusoma andiko la kitabu cha Yoshua, 1:6-8; ambapo Roho
alinifunza kitu kigumu kiidogo, kwamba ni Yoshua ndiye aliyepewa jukumu la
kuhakikisha wana wa Israeli wanavuka salama!
Ikiwa na
mjaaana kwamba kukwama kwa Yoshua kunatazamwa kama kukwama kwa wana wa Israeli!
Maaana Mungu yu akisema kuwa, “.. maana ni wewe
utakayewarithisha watu hawa nchi hii niliyowaapia baba zao ya kwamba nitawapa.”
Ni “wewe,
utakaye warithisha!” kuna kanuni kadhaa alimpatia, ikiwemo ya ujasiri, au
ushujaa, ila nataka tu kwanza uone uzito wa jambo hili, kwamba kufika Kanani
kwa wana wa Israeli ni kwa kiasi gani kulimtegemea Yoshua! Na sasa uje katika
uhalisia, ujione ni kwa jinsi gani watu ambao Mungu amewaweka mbele yako
wanavyokutegemea wewe! Kama hujijui wewe ni nani uwe na hakika Mungu anakujua,
na Shetani analifahamu hilo pia ndio maana aachi kukuletea vita ili usiwafikishe
watu wako katika urithi wao!
Labla
nikuulize jambo hili muhimu sana! Je, uliwahi kufikiri kuwa ni watu wangapi
wanategemea kusimama kwako? Ni watu wangapi wanategemea kusoma kwako? Ni watu
wangapi wanategemea kuinuka kwako kiuchumi? Bidhaa zako unajua zinatakiwa
kuwanufaisha watu wangapi? Au ni wangapi wanategemea ajira kutoka kwako?
Na kama
ukikwama leo kiutumishi kwa kukata tamaa ni watu wangapi wataenda jehanum ya
moto kutokana na kushindwa kwako kihuduma!
Kama
hujawahi kuwaza hilo twende moja kwa moja kwa Yesu pale Gethisismane, ambapo
alifikia mahali pa gumu sana na kuomba ikiwezekana kikombe kile kimuepuke!
Jaribu kuwaza kama angekwamia pale, ni nini kingetokea? Ni hasara kubwa kiasi
gani ingetokea kama Paulo mtume angeshindwa kuvuka vikwazo vya kihuduma! Hapana
shaka nyaraka kama za Wathesalonike, Wakorintho, Timotheo, Tito na Wagalia,
bila kusahau Warumi na sehemu kubwa ya Matendo ya Mitume tusingekuwa navyo leo!
Natumai ni bila shaka!
Nawe unajua
moyoni mwako kuna nyaraka ngapi za Matendo ya Mitume, kuna wakina Timotheo, na
Tito wangapi wanaokusubiria ili wao wasimame! Je, uliwahi kufikiri kuna
Wagalatia wangapi na watu wa kanisa la Rumi ambao kwa kweli wewe ndie
wanaokutazama maana injili uliyopewa ni kwa ajili yao, ni kweli wapo wakina
Petro ila wao wameitiwa kwa Wayahudi!
Jaribu
kufikiri waliobuni umeme, au tekinolojia ya “komputa” au mtandao wa “intaneti,”
simu na kadhalika kama wangekwamia njia ni nini kingetokea? Leo unasafiri kwa
ndege na magari ila fahamu kuna watu walilipa gharama, kuna waliobuni madawa na
vifaa vya mahosipitalini ambao waligharimika hata uhai wao ila leo ukienda
hosipitalini unapata huduma kiurahisi! Fikiri kama wao wangekwama je!
Yamkini
umeajiriwa, na unaona kuna ugumu kupambana ili nawe siku moja uwe na kampuni
yako ambayo itaajiri watu wengi, na msukumo huo unao, lakini umechoka kiwango
cha kukata tamaa, fikiri kama aliyekuajiri naye angekwamia mahali je! Au
unafikiri naye hakupitia changamoto! Hapana! Tena kwa ujarsiri kabisa ninamsema
kuwa ni hapa! Alijipa moyo, na kushinda
vikwazo, uamini kamulize au tafuta ushuhuda wake!
Kuna watu
wanategemea hilo wazo lako, ambalo Mungu ameliweka moyoni mwako, na kukwama
kwako ni kukwama kwao pia! Hakuna mabadiliko yanayoletwa na watu wawili, au
watano, wazo huanza na mtu mmoja, wengine ni waunga mkono wa ndoto hizo au
hiyo.
Karibu sana
kwenye kitabu hiki, ambacho kinalenga kukutazamanisha umuhimu wa kilichopo
moyoni mwako, ili uweze kushinda vikwazo ambavyo vinakukabili leo, kwani Mungu
alimbwambia “Yoshua” awe hodari, na moyo wa ushujaa mkuu, maana ni yeye ndiye
mwenye kurithisha, na wewe ndie mwenye kurithisha watu uliopewa, wewe ndie
mwenye majibu yao, kwa hiyo usije kufikiri kukwama hapo, katika kitabu hiki
utajionea pia jinsi Musa na wengineo walivyokwama na watu kukwa, Musa
alipokimbia Midiani, wana wa Israeli walichelewa kutoka utumwani kwa muda wa miaka
30, na walitoka Musa alipokaa kwenye nafasi yake, wasomaji wa kitabu cha
waamuzi watakubaliana na mimi kiurahisis sana! Na wewe ni jibu kwa watu! Ukikwama
watakawama na wao pia, Daudi alifanyika jibu kwa watu waliotukanwa siku 40,
jaribu kufikiri kama naye angekwama je! Sasa mbona wewe unataka kuacha masomo!
Mbona unafikiria kuacha huduma, mbona unataka kuacha imani! Inuka, uwe hodari,
na moyo wa ushujaa mkuu maana ni wewe, wala sio jirani yako atakayewafikisha
watu uliopewa na Mungu katika hatima yao njema!
Wala usiseme
tena kuwa wapo wengine! Ni kweli wakina Petro na Yohana walikwepo, ila wao waliitiwa
kwa Wayahudi, kuna watu wa Galatia, Krete, na Hispania, na Rumi na
Wathesalonike wanao subiria kuinuka kwako, kama umepigwa kama Paulo na kuburutwa
hata nje ya mji wewe inuka tena, na songa mbele, melikebu ikivunjika,na huko
katika mji huo wa Malta, wewe hubiri, mseme Yesu hapo, maana hapo napo kuna
watu ambao wanakutegemea;
Yalipokwisha
kutendeka hayo wengine waliokuwa na magonjwa katika kisiwa wakaja wakapozwa; nao wakatuheshimu kwa heshima nyingi; basi
tulipoabiri wakatupakilia vitu vile tulivyokuwa na haja navyo. Matendo ya
Mitume 28:9 -29.
Tuna kitabu
kinachoitwa, KATIKATI YA SHIMO MKUMBUKE MUNGU, unajua kina semaje? Kauli kuu ya
kitabu hiki au nia yake, ni kumtia moyo na kumtaka mtu ambaye yupo mahali pa gumu
kuendelea na kusudi la Mungu!
Wanakina
Meshaki, Shedraki na Aberinego walikuwa katika shimo la moto, lakini huko nako
waliendelea kumtukuza, hata walipotishiwa kutupwa huko bado walitaja ukuu wa
Mungu wao!
Danieli alipokuwa
kwenye tanuru lile la simba, bado alitaja ukuu wa Mungu, maana mfalme alipomuliza,hakuwa
na maneno ya kukata tamaa, bali alimtukuza Mungu wake; Mungu wangu amemtuma malaika wake, naye ameyafumba makanwa
ya simba, nao hawakunidhuru; kwa kuwa mbele zake mimi nalionekana kuwa sina
hatia; tena, mbele yako, Ee mfalme, sikukosa neno. Danieli 6:
22. Hayo ni maneno ya mtu ambaye amezingirwa na simba! Tena yupo kwenye shimo
ambalo hawezi kutoka! Na anayemjibu ndiye aliyemtupa kwenye hilo shimo!
Kikawaida angeweza kumkasirikia na kumtamkia maneno magumu na kumuona kama
mtesi wake! Angeweza kumkasirikia pia na Mungu wake!
Ila alijua kuwa leo kuna wakina Mwalimu Oscar na wewe ambao watahitaji
kusoma hiki kitabu cha Danieli ili watiwe moyo, nao wajuwe uweza wa Kiungu
jinsi ulivyo! Na wewe mbele yako au miaka ijayo, wapo ambao watasimama na
kuinuka kutokana na utendaji wako wa leo!
Kwa hiyo, ukiwa kwenye shimo lako, usife moyo, wewe endelea
kusonga mbele,Yusufu alipokuwa kwenye lile shimo walilomtupa, waliendelea na
imani, wala hakuwakasirikia ndugu zake!
Hata gerezani cha ajabu aliendelea kumsema Mungu na kumtaja
Yeye! Wengine wakipita kwenye shida kidogo tu hata kabla haijakolea vizuri
tayari wameshanungunika maneno yote! …Yusufu
akawaambia, Kufasiri si kazi ya Mungu?...Mwanzo 40:8.
Nakukumbusha
tena na tena kuwa, mbele yako kuna watu, na hao watu wanakutegema wewe!
Ukikwama sio kwamba umekwama wewe mwenyewe, bali ni umewakwamisha wengine! Kama
Yesu angekwama siku ile ya usiku mmoja, fikiri ni wangapi waliotegema ukombozi
wake ambao wangekwama pamoja naye!
Ni
rahisi sana kusema kuwa Mungu ana watu wengi! Sio kweli, mwenyewe husema haya
maneno!
Nami
nikatafuta mtu miongoni mwao, atakayelitengeneza boma, na kusimama mbele zangu
mahali palipobomoka, kwa ajili ya nchi, nisije nikaiharibu, lakini sikuona mtu. Kwa sababu hiyo nimemwaga
ghadhabu yangu juu yao; nimewateketeza kwa moto wa hasira yangu; nami nimeileta
njia yao wenyewe juu ya vichwa vyao, asema Bwana MUNGU. Ezekia 22: 30-31.
Ni
muhimu sana kuijua hii kanuni, kuwa Mungu hawezi kushuka katika ulimwengu huu
na kupita mitaani akihubiri injili, au akifanya biashara ama kufungua kampuni
itakayo ajiri watu kadhaa, ama akipita na kuimba, au akifanya shughuli za
kilimo jibu ni la! Ndio maana hata alipohitaji ukombozi, wa ulimwengu
ilimlazimu kufwata kanuni za kuishi katika ulimwengu huu, akamtoa mwanaye kisha
akampatia mwili ambao ndio ungemuwezesha kuishi humu dunini!
Pili
jambo la kufanya kitu fulani ni kipawa, maana yake kuna mtu ameandaliwa maalumu
kwa ajili ya kitu hicho! Na mahali fulani, au watu fulani, ama kusudi fulani,
hukuitiwa kufanya kila kitu, na hutakaa uweze kufanya kila kitu!
Hapo
tunaambiwa kuwa Mungu alitafuta mtu! Kisha alimkosa huyo mtu ambaye alikuwa
akimtafuta! Na kilichotokea ni Mungu kuangamiza! Kwa hiyo kuna watu waliangamia
kwa sababu ya kukosekana mtu! Na wewe kuna watu wataangamia sio kwa sababu watu
hawapo ambao wangetenda hayo, ila kwa sababu wewe hukukaa kwenye nafasi yako
kwa kukosekana wewe mtu! Wao wanaangamia! Mimi ni mtu! Ninayekuletea kitabu
hiki, na usifikiri kuwa safari yangu ya kiroho imekuwa nyepesi! La! Leo nina
vitabu zaidi ya mia moja, haikuwa jambo rahisi, ila ukweli ni kwamba! Nimejitahidi
kushinda vikwazo, nabado nazidi kuvishinda maana mimi mi ktu ambaye Mungu
anamuhitaji au anamtaka akae kwenye nafasi yake! Najua nyuma yangu wapo wengi
wanaotarajia kuvuka kwa huduma yangu! Na kwako pia wapo! Hata kama ni muuza
karanga, wapo ambao wanakutegemea !
Unajua
wazo hili la kusema wapo wengine ni wazo dhaifu sana! Ndio, wala usipigwe na
butwaa, maana jaribu kujiuliza ni kwa nini Mungu aliamua kumfuata Yona baharini
alipokimbia! Ni kwa sababau hakuna mwingine aliyekuwa ameandaliwa kwa ajili ya
jukumu lile!
Mungu
wetu ni mwekezaji, kama mwalimu mmoja wa neno la Mungu anavyopenda kusisitiza
hili jambo! Mungu aliwekeza kwa Yona, na Mungu amewekeza kwako pia! Anataka
faida, anataka umtumikie!
Nakumbuka
kisa kimoja cha mwalimu wetu wa chuo cha Biblia, Dr. Immaculate Nighula,
alitumbia kuwa alipokuwa nahitimu masomo yake ya chuo katika nchi fulani,
aliamua kuingia kwenye pango au msitu wa maombi, na kuomba kwa muda wa siku
saba, Mungu alimtokea maana alikuwa na hitajio la kutaka kujua ni eneo gani
ambalo Mungu anamtaka aende kuhudumu! Anasema kuwa cha ajabu kilichotokea ni
hiki! Aliota au aliona katika maono akiwa anahesabu fedha nyingi sana,
alizihesabu hadi alipozimaliza!
Alishituka
na kuanza kujiuliza maana yake ni nini! Katika fahamu zake, alidhania kuwa
Mungu atampatia fedha nyingi sana! Ila alisikia sauti ikimwambia kuwa, “sadaka
zangu,” ikiwa na ufafanuzi kwamba nimewekeza kwako, na anahitaji yeye alipe
uwekezaji huo kwa kumtumikia!
Unajua
kikawaida sio rahisis sana kwa yeye kukubali kuja kufundisha chuo cha biblia
maana wengi tukiitwa mbio zetu ni kwenye utumishi wa madhabahuni na hii huwa na
sababu zake kadha wa kadha!
Ila
Mungu anajaribu kumwambia kuwa mimi ni mwekezaji, nimetumia gharama zangu,
umesoma kwa sadaka zangu, sasa nataka faida! Unafikiria Mungu hana watu, ni kweli
ana watu ila hana kila mtu!
Inawezekana
na wewe hujalipiwa ada kwa jinsi ya mwilini, ila kuna shule ya kiroho
uliyopitishwa, jifunze sana kwa Yoshua, ambapo Mungu alimwagiza Musa amlee,
amfundishe, amtie moyo, ili baadae aje kuwa kiuongozi.
Lakini mwagize Yoshua umtie moyo mkuu, umtie na
nguvu; kwani ndiye atakayevuka mbele ya watu hawa, na nchi utakayoiona
atawarithisha yeye. Kumbukumbu 3:28.
Twende
kwa wanfunzi wa Yesu, ambao walikaa mjiguuni pa Yesu kwa muda wa miaka kadhaa,
wakifundishwa, na kulelewa, kuna muda Yesu alikuwa anawatuma kufanya mazoezi, kisha
itokee wakujaribu kukataa wito! Au kazi! Uwe na hakika ni hasara kwenye ufalme
wa mbinguni, maana ni gharama kubwa imetumika kumuandaa muhusika!
Lakini
licha ya maandalizi kama hayo yapo mengine pia ya ulinzi! Kwani hukuwahi kusikia
kuwa kulikuwa na majambazi sita, watano wameuawa ila mmoja tu ndiye aliyepona!
Na alipopona alikuja kuokoka, na sasa ni mtumishi! Unajua maana yake ni nini!
Ni kwamba kuna ulinzi fulani wa ziada ulisalia, na sio kwamba ulikuwa na kazi
nyingne tu, wala haina maana kuwa huyu ni mwema sana la! Ila ni kwa sababu ya
kilichokwepo ndani yake ambacho kinasubiriwa na watu wengi!
Kiongozi
wetu au katibu wetu wa seriali ya wanafunzi hapa chuoni aitwae Chai, anasema
kuwa siku moja walikuwa wakisafiri na gari lao kuharibikia njia, walipokuwa
wakipakuwa mizigo ili waamishie gari jingine, ghafula alisikia sauti ikimwambia
kuwa “toka hapo na uingie kwenye gari,” na alipotoka mara baada ya kuingia,
lilitokea gari jingine na kuwagonga watu waliosalia kwenye ule mstari na hapo
kwa papo walifariki watu kama watano!
Huyu
kapona! Ila wengine hawapo! Ni kwa sababu mbele yake kuna watu wanaomsubiria,
japo na waliokufa nao walikuwa na watu ila neema yake Mungu haichunguziki!
Watoto
walipotakiwa uuawa, Musa aliokolewa, kimujiza, Yesu alitoroshwa, na watoto
wengi sana kuawa katika nchi ile, sio kwamba Mungu hakuwapenda hao wengine, na
wazazi wao mbona hawakuambiwa nao wakimbie, ila ukweli ni kwamba Mungu amelinda
kilichopo ndani yako!
Kuna
muhubiri mmoja mkubwa na mwalimu wa neno la Mungu hapa nchini, anasema kuwa
kipindi anazaliwa kila aliyeenda kwenye ile hosipitali aliyejifungua kwa njia
ya upasuaji alikuwa anakufa yeye na mtoto, yaani mama na mwanaye, kuna ndugu wa
mama yake ambaye ni dakitari aliamua kumwambia mamaye kuwa angojee kidogo maana
dakitari husika atarudi nchini kwao likizo, akitaka kumuokoa na hali husika, na
kweli ikawa hivyo, naye alizaliwa salama na kuishi hadi leo japo mamaye naye
alifanyiwa upasuaji!
Jambo
jingine la kufahamu ni kwamba, Mungu amewekeza ndani yetu hata kabla
hatujazaliwa, kabla ya kutoka tumboni tayari uwekezaji ulikwepo, kipaji cha
uimbaji, ufahamu wa kitekinolojia, utumishi na kadhalika husimikwa tumboni, au
kabla ya mimba kutungwa, uongozi pia kama kipaji, sasa unapokuja duniani tayari
wewe ni mbeba maono, jifunze kwa Yohana mbatizaji, Samsoni na Isaka, utajionea
jambo hili, pia habari za kuzaliwa kwa Yesu.
Lakini
pia Yeremia moja, inasema hili wa kina sana, jionee hapa ambapo Paulo mtume
anapolilisisitiza jambo hili;
Wagalatia
1:15 Lakini Mungu, aliyenitenga tangu
tumboni mwa mama yangu, akaniita kwa neema yake.
Ni muhimu
sana kutambua kuwa, Mungu hajakuleta duniani kwa mbaya! Lipo kusudi, ama lipo
jambo ambalo unapaswa kulifanya! Pia hakuna jambo linaloweza kufanikiwa
kirahisis! Inakuhitaji kuwa na moyo mkuu, inakuhitaji kuwa shujaa, na hodari!
Ile maandiko yanakutaka kuwa hodari, kisha ushujaa uzaliwe, uwe na hakika
kwamba vipo vita, ama zipo changamoto!
Safari ya kubeba
maono sio nyepesi, sio jambo lenye kuhitaji ulegevu, bali linahitaji moyo mkuu,
tunatazama jinsi wabeba maono walivyopitia misukosuko, na ujiulize sana kwamba
kama wangekwama nini kingalitokea! Na majibu yake yaweke kwako!
Sijui kama
unajiuliza hili swali! Kwamba kama Elia angekwama pale, (katika 1 Wafalme 19)
alipojiombea nafsi yake afe, ni kwamba tusingempata Elisha, wala Yehu, lakini
pia Elisha baadae upako aliokuwa nao, ulitegemea uwepo wa Elia maana ndie
aliyemrithisha kijiti!
Elisha
alipokea ujumbe wa wito kutoka kwa Elia, Yehu ni matokeo ya Elia, lakini pia
mwishoni Elisha alipokea upako mara dufu! Sasa ingalikuaje kama Elia
angekatisha safari yake!
Ni
kweli mazingira yalikuwa magumu, ndio! Ila hupaswi kuishia njiani! Yupo Elisha
wako, wapo wakina Yehu, ambao wanakusubiria wewe! Ukikwama na wao pia
wamekwama!
Fahamu
sana, tena mno, kuwa hakuna “kopi” yako huku duniani! Wewe ni wewe, kuna vitu
vya kipekee vimo ndani yako, ambavyo hata kwa Paulo mtume havikwepo!
Kitabu kikitoka
kitafute!
Hongera kwa
kusoma ujumbe huu, nakutia moyo kuzidi kumtazama Mungu, na pia uwenda
hujaokoka, yaani Yesu sio Bwana na mwokozi wa maisha yako! Nakutia moyo pia
kuokoka sasa! Yamkini ni uchumi, fedha, hazipatikani, unazingirwa na nuksi na
mikosi, kila unalofanya haliendi, unakabwa na mapepo, ! Wewe njoo kwa Yesu na
hayo yote yatapita kabisa ! Sasa natumi u
tayari!
Sema; MUNGU
BABA, NINAKUPENDA, ASANTE KWA KUNIPENDA KWANZA, LEO NIMETAMBUA KUWA MIMI NI
MWENYE DHAMBI, NA NIPO TAYARI KUOKOOKA, TAFADHALI INGIA NDANI YANGU, SAMEHE
DHAMBI ZANGU, NA FUTA JINA LANGU KATIKA KITABU CHA HUKU, NA ULIANDIKE SASA
KATIKA KITABU CHA UZIMA WA MILELE, Ameni.
Kwa kufanya
hiyo umekwisha kuokoka sasa, na tafadhali tafuta kanisa la watu waliokoka
lililopo karibu nawe ukasali, hapo, waambie kuwa umeokoa hivi karibuni, ili
wakulee vyema kiroho.
Mawasiliano
yetu, kwa M-Pesa au Simu: +255 759 859 287, barua pepe:
ukombozigospel@gmail.com
Hakuna maoni:
Chapisha Maoni