Roho Mtakatifu Anaweza Kubadilisha Tabia Zisizofaa Maishani Mwetu. Jifunze Kumpa Nafasi.

 Shalom Mtu wa Mungu, Karibu katika Makala hii, ikiwa ni Sehemu ya Kitabu Chetu Kipya cha JIFUNZE KUMUAMINI ROHO MTAKATIFU KATIKA HILO ENEO*..

Na Mwl Oscar Samba 

Katika Badiliko la Tabia

. Unageuzwa/Hutugeuza Na Kutupa Maisha Mapya . Dhambi ilipoingia ulimwenguni ilitupatia mwili wenye tabia au vinasaba vya chembechembe za dhambi. Ile mauti iliyonenwa, iliua sehemu kubwa ya asili au ya tabia ama ya vinasaba vya Kiungu katika maisha yetu. Na badala yake, tukatwa asili ya Shetani. Ndiposa kuna kitu Paulo hukiita utu wa kale, pia tabia za mwilini ama mwili huu wa tamaa ama tamaa za mwili. Ndiposa suluhu hutajwa ni kuokoka, ili uwe au uusulubishe mwili wako pamoja na Kristo pale msalabani. Waruni 5-8, na Wagalatia 5 inatusaidia sana katika hili.

Paulo anatufundisha sana kuwa, Yesu alipokuwa anakufa, aliufia mwili wa dhambi. Yaani mauti yake, ilikuwa inauwa asili ya Shetani katika miili yetu; japo kwa lugha ya Kibiblia neno nguvu ya mauti, au utawala wa mauti katika miili yetu linaonekana kutumika zaidi. Kwa lugha nyingine tunasema mfumo wa dhambi. Lile andiko la tulio wa Kristo hatutendi dhambi (1 Yohana 3:6, 8, 9; "ukisoma utakuna na neno mbegu, tafakari kwa kina neno hilo" wa 10, 'unakupa matokeo:') maana yake, tuliookoka hatupo au hatutawaliwi na mfumo au utawala wa dhambi. Ikimaanisha nguvu ya mauti, au mauti twajua ni nguvu ya Shetani kupenyeza dhambi. 

Soma; Waebrania 2:14 Basi, kwa kuwa watoto wameshiriki damu na mwili, yeye naye vivyo hivyo alishiriki yayo hayo, ili kwa njia ya mauti amharibu yeye aliyekuwa na nguvu za mauti, yaani, Ibilisi, 

Mada ya Ushuhuda, Uliyochimbuko la Kitabu hiki chaJifunze Kumuamini Roho Mtakatifu Katika Eneo Hilo ...

 Mada ya Kwanza Katika Kitabu Chetu Kipya cha Jifunze Kumuamini Roho Mtakatifu Katika Eneo Hilo...

Na Mwl. Oscar Samba 

 1.Ushuhuda

Chimbiko kuu la kitabu hiki ni tukio binafsi lililonikuta, ambalo moja kwa moja Roho Mtakatifu alilitumia kama somo ili kunivusha mahali lakini pia kwa nia ya kupangua baadhi ya mienendo isiyo sahihi katika njia zangu. Iwe ni za kihuduma au kimaisha kama vile uchumi, kijamii na kadhalika.

Somo hili nimelipata katika mradi ninaoufanya wa kutotolesha vifaranga vya kuku na ufugaji. Siku ya 21 ilipofika, vifaranga vikaanza kuanguliwa; kikanuni ni hadi kitoke kwenye kasha lake, kikauke ndipo ukitoe kwenye mashine.

Mimi vilipoanza tu kutoboa kasha, (eneo la kichwa) nililazimisha kumenya kasha zima. Hali iliyovipelekea kufa maana nilikuja kugundua ya kuwa eneo la kichwa ndilo hutangulia, na maeneo mengine hufuatia kwa kuendelea kukomaa au kukauka au kujiunda na humalizikia mkiani. Sasa ukikimenya pale mwanzoni, unakifanya kife maana maeneo hayo mengine yanakuwa bado hayajafikia muda wake wa kukamilika.

Baya zaidi, yale mayai ambayo yameshaanza kumenyeka au kupasuka eneo la kichwa, niliyachukua baadhi (yaliyoelekea sana) na kuyapeleka eneo la kukuzia vifaranga. Hapo nikaja na kukuta vyote vimekufa kwa kuzidiwa na joto! Lo! Nikajifunza kitu. 

Kati ya funzo moja wapo la Kibaolojia ni kwamba, elimu ya kifizikia iliyotumika kutengeneza mashine ya kuatamieshia, imeundwa katika mfumo wa joto lililopangwa (mfano kwa vifaranga kwangu naweka 37.8) kuwa na uwezo wa kutoongezeka. Yaani halipandi kiasi cha kuadhiri mayai au vifaranga. Kwanza kuna feni na kuna hali ya unyevunyevu, pamoja na vifaa vilivyotumika kutokupata joto.

Jifunze Kumuamini Roho Mtakatifu Katika Eneo Hilo

 Utangulizi wa Kitabu Chetu Kipya Cha_ Jifunze Kumuamini Roho Mtakatifu Katika Eneo Hilo ....

Na Mwl. Oscar Samba 

 Utangulizi 

Tumekuwa na utamaduni mkubwa sana wa kutegemea akili zetu bila kufahamu umuhimu wa kumtegemea Roho Mtakatifu. Ni kweli akili na fahamu zetu ni kiungo muhimu katika kuyaendesha maisha yetu. Ila Kibiblia mwanadamu hakuumbwa kuzitegemea, badala yake aliumbwa kumtegemea Mungu, ingawaje aliumbwa kuzitumia akili; tena Paulo mtume anamtaka azitumie ipasavyo. Kwake sio kuzitumia tu, bali ni ipasavyo. Utafiti mmoja rasmi uliwahi kuonyesha kuwa, bara fulani ulimwenguni watu wake tunatumia asilimia tano tu ya ubongo wetu. Natumai hii ni sehemu au chachu kubwa ya hali duni ya maisha tuliyonayo.

Lakini tena na tena, yote katika yote; ni kwamba akili za mwanadamu ziliumbwa zifanye kazi kwa msaada wa Kiungu. Ni dhambi tu ilivuruga eneo hili, na kumfanya mwanadamu kuishi kana kwamba

KUMSIFU NA KUMUABUDU MUNGU, KULIKO HALISI

  Na Mwl Oscar Samba

Ujumbe huu ni Sehemu ya Kitabu Chetu Kipya cha MOTO WA UAMSHO KATIKA BIBLIA, Tunachambua kila Tukio Muhimu la Kiuamsho Katika Biblia.

Somo la .... SIFA NA KUABUDU KATIKA KWELI; Maneno Yenye Uhalisia Katika Kumuabudu au Kumsifu Mungu.

Licha ya umuhimu wa hali ya kiroho ya mtu anayemsifu au kumuabudu Mungu, ambapo tunaongozwa na lile andiko la Zaburi linalotutaka tuwe na moyo safi ( Zaburi 33:1 Mpigieni BWANA vigelegele, enyi wenye haki, Kusifu kunawapasa wanyofu wa moyo. Rejoice in the LORD, O ye righteous: for praise is comely/inatoka for the upright.); lakini pia uteuzi wa maneno na muundo wa sentesi zetu katika kumuimbia Mungu: lazima visadifu uhalisia.

Lazima yataje aidha ukuu wa Mungu, uweza wake au utukufu na utakatifu wake. Tabia zake na utendaji wake uliotukuka vinapaswa kuwa ni sehemu ya maneno yaliyoteuliwa na mtunzi sanjari na muimbishaji wa wimbo.
Tuna nyimbo nyingi leo zinaitwa za kuabudu ni kwa sababu tu zinaimbaa katika hali ya utulivu. Na zile za kusifu ni kwa sababu zinaimbwa kanisani na katika hali ya kuchangamka. Hatusifu kwa kuwa wimbo unamsifu Mungu, bali ni kwa kuwa muimbishaji katuambia tusiamame tumsifu Mungu. Ni kwa kuwa mpigaji kapiga mapigo yakutuchangamsha.

FIKRA SAHIHI KATIKA LANGO LAKO LA MSIMU MPYA.

Na Mwalimu Oscar Samba

Ujumbe huu ni Sehemu ya Kitabu Chetu Kipya cha MOTO WA UAMSHO KATIKA BIBLIA

Tunachambua kila Tukio Muhimu Katika Biblia Nzima, hususani lile lenye Ujumbe wa Kiuamsho Ndani Yake.

Kitabu cha Kutoka, Sura ya 13 na 14

Somo la .... KUVUKA BAHARI YA SHAMU: Ushindi Katika Mlango wa Msimu Mpya Kihuduma au Kimaisha.

Msimu Mpya maana yake ni mabadiliko au hatua nyingine mpya ya kimaisha, na hata kihuduma yaani kiroho. Mabadiliko haya huanzia rohoni kweli, ila huwa na matokeo katika maisha ya uhalisia ya mwilini. Kabla ya kuingia msimu huo mpya, unahitaji kupita katika lango la msimu. Hapa ndipo huwa na upinzani mkubwa sana. Mwanafunzi yeyote lazima awe makini na kipindi chake cha mitihani. Na kuna wengine kipindi hicho huwa katika mashambulizi sana. Ni kwa nini? Ni kwa sababu kuingia kwake katika hatua nyingine, kunategemea kuvuka kwake katika mtihani huo.

Wana wa Israel walikuwa wanaingia katika msimu wa maisha mapya. Kiuchumi tungeuita sekta isiyo rasmi. Maana ile ya jangwani tunaiita ni sekta ya umma. Walilishwa na serikali, na kuhudumiwa na wao. Jangwani wanajiandaa kuishi maisha ya ndege wa angani, yaani sekta isiyo rasmi. Hapo wanalishwa na MUNGU mwenyewe kwa njia ya muujiza.